Google компаниясы €4,3 млрд айыппұл төлеуі тиіс

Google компаниясы Еуропа одағының монополияға қарсы органымен 8 жылға созылған дауда жеңілді. Сондықтан әлемнің ең ірі іздеу жүйесі  енді 4,3 миллиард еуро айыппұлды төлеуі тиіс. Себебі аппеляциялық сот антимонополиялық органның жағында. Брюссель Google-ды Android операциялық жүйесін бәсекелестерін бұғаттауға пайдаланды деп айыптады. Америкалық технологиялық алып болса, соттың шешіміне наразылық білдіріп, әділет органын үкім шығарарда Google-дың еркін әрі ашық интернетке инвестиция салғанын ескермеді деп кінәлап отыр.