Астанаға келетін турист саны артты

Астанаға келетін туристер саны 352 мыңға жетті. Оның 68 мыңдайы – шетелдік. Бұл былтырғы жылдың дәл осындай кезеңінен 12 пайыз артық. Әкімдіктің мәліметінше, елорда қонақтарының көбі Ресей, Қытай, Түркия, Германия және АҚШ азаматтары. Сонымен қатар Өзбекстан, Қытай және Біріккен Араб Әмірліктерінен келетін туристер саны тұрақты түрде өсіп келеді. Бұған халықаралық форумдар, мәдени іс-шаралар мен концерттердің көбеюі ықпал етті. Айта кетсек, былтыр Астанаға 1,5 миллион турист қыдырып келді.