Бүгін – ұшқышсыз авиация қызметкерлерінің күні

Бүгін – ұшқышсыз авиация мамандарының күні. Авиацияның бұл саласы – Қарулы күштердегі ең қарқынды дамып келе жатқан бағыттарының бірі. Сала мамандары күнделікті қызметте және халықаралық оқу-жаттығуларда өз кәсібилігін дәлелдеп, елдің қорғаныс қабілетін нығайтуға үлес қосып келеді. Ұшқышсыз авиациялық  жүйелер барлау жүргізу, әскерді басқару, нысандарды дәл зақымдау және жүк жеткізу сияқты маңызды міндеттерді орындайды. Сонымен қатар олар төтенше жағдайлардың салдарын жою мен қоғамдық қауіпсіздікті қамтамасыз етеді. Қазіргі таңда Қазақстан Қарулы күштерінің арсеналында түрлі кластағы ұшқышсыз авиациялық жүйелер бар.