Тараздағы сарбаз Василий Мазур қазақ тілінің дамуына үлес қосып жүр

Тараз қаласындағы Ұлттық ұланның 5513 әскери бөлімінде қызмет ететін қатардағы Василий Мазурды алғаш көрген жан оның қазақ тілінде еш мүдірмей сөйлейтініне таңырқай қарайды. Ұлты беларусь сарбаз қазақ тілін ана тіліндей меңгерген. Василий үшін қазақ тілі тек қарым-қатынас құралы ғана емес, өмір салтына айналған. Ол қазақ тілін құрметтейтінін айтады.

Василий Мазур, ҚР ІІМ Ұлттық ұланы 5513 әскери бөлімінің әскери қызметшісі:

Бала кезден әскери қызметші болуды қаладым. Әскери форма ұнайды. Мен жақында әскери бөлімде өткен «Мемлекеттік тілім – менің тілім» атты байқаудан І орын жеңіп алдым. Енді оңтүстік өңірлік жарысқа дайындалып жатырмын.