Венесуэлада жер сілкінісі құрбандарының саны 1700-ден асты

Венесуэлада жер сілкінісі құрбандарының саны 1700-ден асты. Тағы 5 мыңдай тұрғын жараланған. Бұл оңтүстікамерикалық мемлекетте қуаты 7,2 және 7,5 баллдық екі зілзала өткен сәрсенбі күні болды. Содан бері арада 100 сағаттан артық уақыт өтсе де, үйінді астынан тірі адамдар табылып жатыр.

Соңғы тәулікте Ла Гуаира қаласында 12 жасар бала құлаған үйдің астынан шығарылды.

Жер дүмпуінен тас талқаны шыққан аудандарда іздеу-құтқару операциялары әлі жалғасып жатыр. Опат болғандар саны мыңдап өсуі мүмкін. Себебі 45 мыңдай адам жоғалып кеткендер санатына ілігіп отыр.