АҚШ-та балалардың онлайн қауіпсіздігі туралы заң жобасы мақұлданды

АҚШ-тың Өкілдер палатасы жеткіншектерді онлайн-платформалардан қорғау жөніндегі заң жобасын мақұлдады. «Балалар интернеті және Сандық қауіпсіздік актісін» конгресмендердің 267-сі қолдап, 117-сі қарсы дауыс берген. Дегенмен, бұл құжат жоғарғы палатада үлкен дау тудыруы мүмкін. Себебі сенаторлар жаңа ереженің қатаңдау болғанын қалап отыр.

Айта кетсек, заңның қазіргі нұсқасы бойынша, әлеуметтік медиа компаниялардан балаларға интернетке тәуелді болмаудың тәсілдерін ұсыну және өскелең ұрпақты зиянды контенттерден қорғау саясатын енгізу талап етіліп отыр.