Қазақстан халықаралық AI серіктестігіне қосылды

Қазақстан жасанды интеллект саласындағы халықаралық ынтымақты күшейтті. Еліміз AI Opportunity Partnership бірлескен мәлімдемесіне қосылып, құжатқа Вашингтонда Премьер-Министрдің орынбасары – Жасанды интеллект және цифрлық даму министрі Жаслан Мәдиев қол қойды. Серіктестік жасанды интеллект инфрақұрылымын дамытуға, инвестиция тарту, стартаптарды қолдауға және инженерлік кадрларды даярлауға жаңа мүмкіндіктер ашады. Сондай-ақ озық AI-модельдеріне қолжетімділікті кеңейтіп, Қазақстанның жаңа технологиялық экономикадағы орнын нығайтуды көздейді.