100 миллиондай адам ыстықтан сақтану туралы ескерту алды

Еуропа елдерінде ауа температурасы рекордтық деңгейге көтеріліп жатыр. Соңғы мәліметке қарағанда, Франция, Италия және Испанияда 100 миллионнан астам тұрғын ыстықтан сақтану туралы ескерту алған. Францияның кейбір аймақтарында сынап бағанасы 46 градусқа дейін жетті. Ал Париж өңірінде осымен үшінші бала іші қайнап тұрған автомашинада қайтыс болды. Сонымен қатар, бұл мемлекетте үш атом электр станциясы тоқтап, 68 мыңдай үй жарықсыз отыр. Испанияда жексенбіден бері аптап ыстықтың салдарынан 216 адам жан тәсілім еткен. Ал Италияның 16 қаласында, соның ішінде Милан мен Римде ауаның температурасы 41 градусқа жетті.