Бет-әлпетін жапқан 1613 адам жазаланған

Бетті жауып тұратын киім кигені үшін 1613 адам әкімшілік жауапкершілікке тартылған. Осындай мәлімет айтқан ІІМ қоғамдық орындарда адамның түр-сипатын тануға кедергі келтіретін киімдерді киюге тыйым салынғанын тағы бір мәрте ескертті. Бұл талап «Құқық бұзушылық профилактикасы туралы» заңда көрсетілген. Ережені алғаш рет бұзғандарға ескерту беріледі. Ал бір жыл ішінде қайталанған жағдайда 10 АЕК көлемінде айыппұл қарастырылған. Алайда шектеу ауа райының қолайсыз жағдайларында, медициналық көрсетілімдер болған кезде, сондай-ақ қызметтік міндеттерді орындау барысында және спорттық не мәдени іс-шараларға қатысу кезінде қолданылмайды.