«Four Continents – 2027» чемпионаты Қазақстанда өтеді

Қазақстанда алғаш рет мәнерлеп сырғанаудан төрт құрлық чемпионаты өтеді. Халықаралық конькишілер одағы жарыс 2027 жылы Астанада ұйымдастырылатынын ресми жариялады. Байрақты бәсеке ақпанның 9-нан 14-не дейін жалғасып, Азия мен Америка, Африка және Океанияның ең үздік мәнерлеп сырғанаушыларының басын қосады. Мамандар бұл шешімді қазақстандық спортшы Михаил Шайдоровтың Олимпиададағы жеңісімен байланыстырады. Қазақстан бұған дейін де 2011 жылғы Қысқы Азия ойындары мен 2017 жылғы Қысқы Универсиада сияқты ірі халықаралық жарыстарды өткізген.