Ресей теңіз арқылы жанармай импорттауға кіріседі

Әлемнің ең ірі мұнай экспортері Ресей осы айда теңіз арқылы бензин импорттауға кіріспек. Мұны сала мамандарының мәліметіне сүйеніп «Рейтер» агенттігі хабарлады.

Айта кетсек, қазір Ресейдің ондаған аймағы жанармай тапшылығынан зардап шегіп отыр. Бұл елдің энергетикалық нарығында мұндай жағдайдың қалыптасуына Украинаның айлар бойы Ресейдің мұнай өңдеу зауыттарына, құбырларына, отын қоймаларына дрондармен соққы жасауы себеп болған. Сарапшылардың ойынша, Беларусь пен өзге де елдерден импортталған азын-аулақ жанармай Ресейдің бензинге мұқтаждығын өтеуге мүлде жеткіліксіз болып отыр.