Басты Жаңалықтар Балаларды жұмысқа тарту заңмен реттеледі

Балаларды жұмысқа тарту заңмен реттеледі

12.06.2026 13:03

«Кәмелетке толмағандарды ауыр және қауіпті жұмыстарға тартуға тыйым салынған. Сондай-ақ олардың оқуына, демалысына және дамуына кедергі келтіретін еңбек түрлеріне де жол берілмейді». Заңгерлердің пікірі осындай.

Балалар еңбегіне қатысты талаптар заңмен реттеледі. Өйткені жасөспірімдер ең алдымен білім алып, жан-жақты дамуы тиіс. Ал заң талаптарын бұзғандар жауапкершілікке тартылады. Мамандар балалардың құқығын қорғауда ата-ананың да жауапкершілігі жоғары екенін айтады.

Аяулым Бекмырзақызы, Жетісу облысы ПД ювеналдық полиция тобының аға инспекторы:

14 пен 16 жас аралығындағы кәмелетке толмағандар жұмыс уақыты аптасына 24 сағат, ал 16 мен 18 жас аралығындағы жасөспірімдердің жұмыс уақыты аптасына 36 сағаттан аспауы керек. Егер заң бұзылса, ата-ана және жұмыс беруші жауапкершілікке тартылады.

Автор

Нұрдаулет Сыздық

Бөлісу