Антибиотиктерді сатуға бақылау күшейеді

Денсаулық сақтау министрлігі антибиотиктерді рецептісіз сатуға бақылау күшейетінін хабарлады. Қолданыстағы шектеулерге қарамастан, мұндай дәрілер кей жағдайда дәрігер нұсқауынсыз сатылып келеді. Оның ішінде онлайн қызметтер мен цифрлық платформалар арқылы да қолжетімді. Бұл өз кезегінде өз бетінше дұрыс емделмеудің көбеюіне әкеліп жатыр. Ведомствоның мәліметінше, жыл сайын әлемде антибиотиктерге төзімді микроорганизмдерден туындайтын инфекциялар салдарынан 700 мыңға дейін адам көз жұмады. Дүниежүзілік денсаулық сақтау ұйымының болжамы бойынша, 2050 жылға қарай бұл көрсеткіш 40 миллион адамға дейін жетуі мүмкін.