Көкшетауда Ресеймен бірге ауыл шаруашылығы техникасын шығаруда

Көкшетаудағы ауыл шаруашылығы техникасын шығаратын кәсіпорын Ресей Федерациясымен кооперация аясында отандық өндірістің ауқымын кеңейтті. Шаһардағы «Kazrost Engineering Ltd.» зауыты биыл құны 30 миллиардтық 350 комбайн шығаруды жоспарлап отыр. Бір жарым жылдан бері өндіріс ошағы комбайндардың кабинасын өздері дайындап келеді. Әр комбайнға шамамен 2 тонна металл өңделіп, кабина мен басқа да түйіндер дайындалады. Кәсіпорында бүгінде 300-ден астам жұмысшы еңбек етеді. Күніне шамамен 3 кабинаға қажетті металл кесіліп, құрастырылады. Комбайн өндірісіндегі отандық үлес бүгінде шамамен 20 пайыздан артты. Зауытта бүгінде комбайнның 3 түрі шығарылады.

Осыдан бір жыл бұрын біз Еуразиялық экономикалық одақтастық шеңберінде үлкен кооперациялық жобаны жүзеге асыруды бастадық.  Оған үш ел қатысады: Ресей Федерациясы, Белурась елі және біз. Жоба аясында комбайндардың кабинасын құрастырып жатырмыз. Яғни, кабинаның толық метал қаңқасын біз дайындаймыз. Электр бөлшектері мен әйнегін екі ел жеткізеді.