Jastar X диалог алаңында жаңа конституция мен жастардың рөлі талқыланды

Бүгін «JASTAR X» диалог алаңында жастар саясаты, білім мен ғылым саласындағы жаңа конституциядағы өзгерістер талқыланды. Жиынға өңірлік жастар ресурстық орталықтарының басшылары қатысты. Кездесуде 1 шілдеден бастап күшіне енетін жаңа Конституцияда ғылым, білім, инновация және технология елдің стратегиялық басым бағыттары ретінде айқындалғаны айтылды. Сонымен қатар «Қазақстан жастары – 2026» зерттеуінің нәтижелері таныстырылды. Зерттеуге сәйкес, жастардың 60 пайызы жасанды интеллектті білім беру жүйесіне енгізуді қолдайды. Ал 57 пайызы ғылыммен айналысуға қызығушылық танытқан.

Гүлісхан Нахбаева, Мәдениет және ақпарат министрлігі Жастар және отбасы істері комитетінің төрағасы:

Бірінші орында медицина мен биотехнология бағыттары тұр. Ал экология мәселелері үшінші маңызды бағыт ретінде аталған. Демек жастардың да қызығушылығын қай салада екенін, ғылым саласында қандай бағыттармен айналысқысы келетенінін және қай салалар өзекті екенін көріп отырмыз.