Әлем нарығында мұнай бағасы 110 доллардан асты

Бүгін таңертең әлем биржаларында мұнай бағасы тағы қымбаттады. Соңғы мәліметке қарағанда, оның Brent маркасы баррелінің құны 1,3 пайызға көтеріліп,111 долларға жуықтаған.

Сарапшылардың ойынша, энергетикалық шикізаттың қымбаттауына Біріккен Араб Әмірліктерінде ядролық станцияның шабуылға ұшырауы, АҚШ пен Израильдің Иранға қарсы соғысты тоқтату мәселесінде тығырыққа тірелуі себепші. Сонымен қатар «қара алтын» нарқының көтерілуіне президент Дональд Трамптың Ислам Республикасына тағы да шабуыл ойластырып жатқаны туралы мәлімет те түрткі болып отыр.