Қазақстан мен Түркия «АНКА» дрондарын бірге өндіреді

«Сіз туыстас елдердің рухани және саяси тұтастығын бекемдеу жолында аянбай еңбек етіп жүрсіз», – деді біздің президент.

Түркия президентінің мемлекеттік сапары рас, өте жоғары деңгейде ұйымдастырылған:

Түрік кәсіпкерлері экономикамызға 6 миллиард доллар қаражат салған. Біздің инвестиция 2,5 миллиард долларға жетті. Қазір елімізде 4 мыңға жуық түрік компаниясы жұмыс істейді. Түркия – еліміздің ең ірі бес сауда серіктесінің бірі. Елеңдейтін сұрақтың бірі – Орта дәліз. Қ.Тоқаев «Орта дәліздің» әлеуетін арттыруға уағдаластық», – деді. Р.Ердоған қостады.

Ердоғанның мемлекеттік сапары аясында жасалған келісімдер мен түрлі мәміленің бірқатарына тоқталсақ: TAV Airports Holding компаниясы Алматы халықаралық әуежайын Орталық Азиядағы логистикалық хаб ретінде дамытуды көздеп отыр. Turkish Petroleum Corporation компаниясы мұнай-газ нарығына кіруге ниетті. Түрік компанияларының кен орындарын игеру, металды қайта өңдеу және құйма өндірісі саласындағы тәжірибесі мол. Солар да шақырылған. Сосын ауыл шаруашылығына байланысты Жол картасы қабылданбақ. Түріктер Түркістан облысында биологиялық белсенді қоспалар шығаратын зауыт та салмақ.

Сапарға орайластырып, Газиантеп провинциясындағы жойқын жер сілкінісінен зардап шеккен азаматтарға Қазақстанның атынан салынған мектеп ашылғанын айта кетейік.

Қол қойылған құжаттардың арасында «Мәңгілік достық және кеңейтілген стратегиялық серіктестік туралы» декларация – қорытынды сөз.

Дегенмен бұл позицияны мына жаңалықпен қорытындылаймыз: Қазақстан мен Түркия «АНКА» дрондарын өндіретін және оларға сервистік қызмет көрсететін бірлескен кәсіпорын ашады. Сондай келісім жасалды.