Адам папилломасына қарсы вакцина 14 пен 17 жас аралығындағы қыздарға да тегін салынады

Адам папилломасына қарсы вакцина енді 14 пен 17 жас аралығындағы қыздарға да тегін салынады. Бүгінге дейін бұл екпе түрін 11 мен 13 жас аралығындағы жасөспірімдер ғана алған еді. 400 мың қыз бала иммундау шараларынан өткен. Вакцина тек ата-ана рұқсатымен ерікті түрде егіледі. Алғашқы дозаны алғандар екіншісін 6 айдан кейін қабылдайды. Бастысы – баланың бойында тұмау белгілері болмауы керек. Ал басқа жағдайларда денсаулыққа еш зияны жоқ дейді мамандар. Көп жағдайда вирусты иммунитет өзі-ақ жеңеді. Бірақ папилломаның 200-ге жуық түрінен 14-і аса қауіпті. Соның бірі жұғып қалса, обыр дертіне ұласуы мүмкін, - дейді дәрігерлер.