Қазақстандық студенттер шетелде бір семестр тегін оқи алады

Қожа Ахмет Ясауи атындағы Халықаралық қазақ-түрік университетінің ректоры Жанар Темірбекова Түркі мемлекеттері арасындағы білім беру ынтымақтастығы жайлы айтты. Оның сөзінше, бүгінде Түркі мемлекеттері университеттер бірлігі аясында студенттер мен ғалымдарға арналған академиялық ұтқырлық бағдарламалары белсенді дамып келеді.
Мәселен, қазақстандық студенттер Түркия университеттерінде бір семестр оқып, тәжірибе алмаса алады. Ал шетелдік студенттер керісінше Қазақстанға келіп білім алады. Биыл мұндай бағдарламамен келген студенттер саны артқан.