Трамп пен Си Цзиньпин арасында келіссөздер басталды

Бейжіңде АҚШ президенті Дональд Трамп пен Қытай төрағасы Си Цзиньпин арасында жоғары деңгейде келіссөздер басталды. Күн тәртібіндегі негізгі мәселелер қатарында Иранға қарсы соғысты тоқтату, Тайвань, сауда, сирек металл тәрізді проблемалар бар. Кездесуге америкалық ірі компаниялардың басшылары да қатысып жатыр.

Былтыр екі экономикалық держава бір-бірінің тауарларына тарифті көтеріп, сауда соғысын жүргізгені белгілі. Содан кейін тараптар тайталасты тоқтатуға уағдаласты. Ақ үйдің мәлімдеуінше, АҚШ пен Қытай қазір сол ымыраны жалғастыруға мүдде танытып, оны әрі қарай жалғастыру бойынша келісім жасау жолдарын қарастырып жатыр.