АҚШ пен Иран әскерлері бір-біріне оқ атты

Ормұз бұғазындағы жағдай соңғы тәулікте қайта шиеленісті. Әлем мұнайы мен табиғи газының 20 пайызы өтетін стратегиялық су жолында АҚШ пен Иран әскерлері бір-біріне оқ атты.

Ресми Тегеранға сенсек, америкалықтар бұғазға кіріп бара жатқан екі кемеге снаряд жаудырған. Пентагон болса, Иран әскерінің шабуылынан қорғану үшін қару қолданғанын мәлімдеп отыр. 

Дегенмен, АҚШ президенті Дональд Трамптың айтуынша, екі жақ 7 сәуірде мақұлдаған атысты тоқтату туралы келісім сақталып отыр.