Ясауи еңбектері терең зерттеуді қажет етеді

Қожа Ахмет Ясауидің ілімі, мәдениеті, мұрасы туралы қолжазбалар мен хикметтер бірнеше елге тарап кеткен. Отандық ғалымдар қазір оларды жинақтап, біріндеп зерттеп жатыр. 4400-дей хикметтің қазір тек 250-ге жуығы Ташкенттегі ескі кітапханалардан табылған. Тағы біраз бөлігін Түркістан қаласы мен Сауран ауданының тұрғындары Әзірет Сұлтан ұлттық тарихи-мәдени музейіне өткізген. Осы дүниелерге сүйене отырып, Ясауидің философиялық ой-толғамдарын тереңірек зерттей түсу керек дейді ғалымдар. Қазір Түркістандағы халықаралық қазақ-түрік университетінде «Ясауитану» оқу бағдарламасына енгізілген. Оған қоса, бүгінгі күнге дейін Ясауи туралы 500-ге жуық магистрлық, докторлық диссертация қорғалған.

Досай Кенжетай, философия және теология ғылымдарының докторы, профессор:

Біз Қожа Ахмет Ясауидің мәдениеті, ілімі, мұрасы туралы қолжазбаларды енді ғана бастап жатырмыз. «Ясауитанудың» жаңа бір белесін шығаруымыз керек. Яғни жан-жақты зерттеуді, тек қана зерттеу ғана емес, насихаттауды да қолға алып, тек қана ғылыми тұрғыдан емес, өнер тұрғысынан мысалыға, фильмдерден көрсетуіміз керек.