Круиздік лайнерде 3 адам хантавирустан қайтыс болды

Атлант мұхитында круиздік лайнерде хантавирус өршіп, үш адам қайтыс болды. Тағы бірнеше турист инфекция жұқтырғандар санатына ілігіп отыр. Мұны Дүниежүзілік денсаулық сақтау ұйымы хабарлады.
Хантавирус әдетте кеміргіштерден тарайды. Оны жұқтырған адам респираторлық аурулардың ауыр түріне шалдығады. Мамандардың айтуынша, сирек жағдайда бұндай вирус адамнан адамға жұғуы мүмкін.