Бейжіңде халықаралық автокөрме ашылды

Қытайдың Бейжің қаласында автокөрме ашылып, онда көліктің жаңа түрлері көрсетіліп жатыр. Сала мамандарының айтуынша, Қытайда машиналар бағасы АҚШ нарығындағы жағдаймен салыстырғанда мейлінше төмендеді. Мысалы, Құрама Штаттарда жаңа автомобиль орташа есеппен 51 456 доллар тұрады. Ал Қытайда осы ақшаға 5 электромобиль сатып алуға болады. «Рейтер» агенттігінің дерегінше, бұл мемлекетте батареямен жүретін көлік модельдерінің түрі 200-ден асып отыр. Солардың ең көп сатылатын бес маркасының құны шамамен 12 мың доллардан басталады.