Пәкістанның шабуылынан Кунар провинциясында 7 адам қаза тауып, 75 адам жараланды

Пәкістан Ауғанстанның шығысындағы Кунар провинциясына шабуыл жасап, жеті адамды мерт қылды. Тағы 75 адам жараланған. Тәліптер үкіметінің мәлімдеуінше, зардап шеккендердің ішінде университеттің 30 студенті бар. Пәкістан жағы азаматтық нысандарға соққы берді деген ақпаратты «жалған» деп атады.

Айта кетсек, екі ел арасындағы қақтығыстардан соңғы бірнеше айда жүздеген адам қаза тапты. Исламабад Кабулды Пәкістан жерінде терактілер жасаған содырларға пана берді деп айыптап отыр. Алайда Ауғанстан өзіне тағылған кінәні үнемі жоққа шығарып келеді.