Қорғаныс министрлігі басшылығы сынақтан сәтті өтті

Қорғаныс министрлігінің басшылық құрамы дене дайындығы бойынша сынақтан сүрінбей өтті. Спорттық шараға министрдің орынбасарлары, Бас штаб және құрылымдық бөлімше басшылары, сондай-ақ 12 генерал қатысты. Олар белтемірге тартылу және 1 шақырымға жүгіру нормативтерін тапсырды. Сынақ барысында жаттығуларды орындау техникасы, төзімділік және жалпы физикалық дайындық деңгейі бағаланды. Нәтижесінде басшылық құрам жоғары деңгейдегі дайындықтарын көрсетіп, барлық нормативтерді сәтті орындады.