Трамп Иранға қарсы ядролық қару қолданбайтынын мәлімдеді

 АҚШ президенті Дональд Трамп Ақ үйде баспасөз конференциясын өткізіп, Таяу Шығыстағы дағдарысқа байланысты бірқатар мәлімдеме жасады. Оның сөзінше, Израиль мен Ливан атысты тоқтату туралы келісімнің мерзімін тағы үш аптаға созуға уағдаласқан. Сонымен қатар, Трамп Иранға қарсы ядролық қару қолдануды көздеп отырмағанын хабарлады. Құрама Штаттар лидерінің ойынша, америкалықтар онсызда Ислам Республикасы армиясының әлеуетін жойды. Өзге бір сөзінде Трамп Ормұз бұғазын шабуылдап жатқан ирандық шағын катерлерді жоюға бұйрық бергенін айтты.