Ақмола облысында 26 әлеуметтік нысан салынуда

Мәселен, Көкшетауда мүмкіндігі шектеулі жандар үшін спорттық, медициналық, оңалту және білім беру инфрақұрылымын біріктіретін бірегей кешеннің құрылысы басталды.  Оның құрамында аутизм орталығы да болады. Мемлекет басшысының тапсырмасымен салынып жатқан инклюзиялық спорт орталығы 300 орынға шақталған. Жоба құны 5 млрд 100 млн теңге. Сонымен қатар облыс орталығында 630 төсектік жаңа көпбейінді аурухананың құрылысы қарқын алды. Нысанның Ақмола облысы үшін ғана емес, бүкіл Солтүстік макроөңір үшін стратегиялық маңызы зор. Құны 331 миллиард теңге болатын кешеннің құрылысы келер жылы аяқталады деп жоспарланған.  Мүмкіндігі шектеулі азаматтарға арналған оңалту орталығының құрылысы да жандана бастады.