Басты Жаңалықтар Щучинсктегі жарылысқа қатысы бар тағы екі күдіктіні ұстады

Щучинсктегі жарылысқа қатысы бар тағы екі күдіктіні ұстады

23.04.2026 17:07

Ақмола облысының прокуратурасы Щучинсктегі газ баллонының жарылысына қатысы бар тағы екі күдіктіні ұстады.

Олардың бірі – автогаз құю станциясының директоры, екіншісі – газ баллондарын жеткізуші. Тергеу бойынша күдіктілер газ баллондарын толтыру және жеткізу кезінде қауіпсіздік талаптарын сақтамаған.

Соңы өртке ұласқан жарылысқа қатысты қылмыстық іс бойынша сотқа дейінгі тергеу жалғасып жатыр. Естеріңізге салайық, ақпан айында дәмханада жарылыс болып, 28 адам зардап шекті. Оның 12-сі қаза болды.

Меруерт Байболова, облыс прокурорының көмекшісі:

Күдіктілердің әрекеті Қылмыстық кодексінің 306-бабының 3-бөлігі бойынша сараланды. Аталған бап санкциясы 8 жылға дейінгі мерзімге бас бостандығынан айыру түріндегі жазаны көздейді. Күдіктілердің біріне қатысты соттың санкциясымен қамауда ұстау түріндегі бұлтартпау шарасы, екіншісіне үй қамағы таңдалды.

Автор

Бибінұр Әмірханқызы

Бөлісу