АҚШ қоқан-лоққы көрсетуін жалғастырса, Иран келіссөздерге қатыспайды

АҚШ қоқан-лоққы көрсетуін жалғастырса, Иран келіссөздерге қатыспайды. Иран парламентінің спикері әрі бас келіссөз жүргізушісі Мохаммед Багер Қалибаф әлеуметтік желіде осылай деп жазды. Бұған қоса, ол Дональд Трампты келіссөз үстелін «капитуляция үстеліне» айналдырғысы келеді деп айыптады.

Ал АҚШ президенті Иранмен алда жасалатын ядролық келісім 2015 жылы жасалған халықаралық мәміледен де күшті болады деп жазды. Дегенмен Исламабадта Вашингтон–Тегеран келіссөзінің екінші раунды өтетін-өтпейтіні белгісіз. Жағдай АҚШ Иран порттарын блокадаға алып, сауда кемесін басып алғаннан кейін ушықты. Ал сәрсенбіде екі апта бұрын жасалған бітімнің күші жойылады.