Қазақстанда сұраныстағы 51 мамандық иелеріне арнайы виза беріледі

Қазақстанда сұраныстағы 51 мамандық иелеріне арнайы виза беріледі. Бұл жөнінде Премьер-министрдің орынбасары – Мәдениет және ақпарат министрі Аида Балаева әлеуметтік желідегі парақшасында жариялады. Көші-қон саясатын жетілдіру және елге жоғары білікті мамандар тарту бойынша жүргізіліп жатқан жұмыстарға тоқталды. Тұрақты тұру үшін тіркелуге рұқсат беретін санаттар бар және бұл тізім экономиканың сұранысына қарай жаңартылып отырады. Бұл ел экономикасындағы өзгерістерге дер кезінде жауап беруге және нақты қажет мамандықтарды тартуға мүмкіндік бермек.

Оның ішінде тұрақты тұруға рұқсат алуға мүмкіндік беретін санат та бар. Мұнда мамандар қатарында нейрохирургтер, гематологтер, фармацевтика өнеркәсібінің инженер-технологтері, бактериологтар, графикалық анимация техниктері және басқа да білікті кәсіби мамандар кіреді. Бүгінде бұл тізімге 50 мамандық енген.