Astana smart city: 582 бағдаршам автоматты режимге көшірілген

Астанадағы 818 бағдаршамның 582-сі автоматты режимге көшірілген. Astana Smart City жобасы іске қосылғалы көлікте телефон ұстайтын немесе қауіпсіздік белдігін тақпаған жүргізушілер тіркеліп жатыр. Қала әкімдігінің дерегінше, олардың саны аз емес. Жаңа жүйе заң бұзушылықтарды өздігінен таниды. Қалаға күніне 100 мыңға жуық көлік кіріп-шығады, нәтижесінде жалпы жүктеме тәулігіне 600 мыңнан асады. Қала әкімі Жеңіс Қасымбек Үкіметтегі ведомствоаралық комиссия отырысында бірыңғай оператор, яғни «Жол қозғалысы орталығы» құрылатынын айтты. Ол автотұрақтарды, бағдаршамдарды реттеуді, эвакуацияны және жол апатын азайту шараларын үйлестіреді.