Басты Жаңалықтар Жетісу облысында тұрғындарды көгілдір отынмен қамту жұмыстары қарқынды жүріп жатыр

Жетісу облысында тұрғындарды көгілдір отынмен қамту жұмыстары қарқынды жүріп жатыр

17.04.2026 11:34

Жетісу облысында тұрғындарды көгілдір отынмен қамту жұмыстары қарқынды жүріп жатыр. Биыл өңірде 84 елді мекеннің жобалық-сметалық құжаттары әзірленіп, 16 ауылда құрылыс жұмыстары басталып кетті. Аймақты табиғи отынмен қамтамасыз етудің кешенді жоспарына сай, алдағы 4 жылда тағы жүз ауыл көгілдір отынның игілігін көрмек. Инфрақұрылым тарту жұмыстары, әсіресе Панфилов ауданында қарқынды. Қазір шекаралы аймақтағы 100 мыңға жуық тұрғыны бар 13 елді мекеннің көшелеріне құбыр тартылуда. Ақжолтай жаңалыққа ауылдағы ағайын ерекше қуанышты. Енді олар көмір тасып, күл шығару машақатынан құтыламыз деп отыр.

Ержан Қалқабаев, Көктал ауылының тұрғыны:

Өзім бір қыста 6 тонна жағамын. Алдымен жартылай сатып аламын. Қалғанын тонналап сатып алып, қысты бітіреміз. Биыл көгілдір отын кірсе, от жағудан құтыламыз.

Дидар Ешенов, Панфилов ауданы әкімінің орынбасары:

2026 жылдың соңына дейін 28 елді мекен толығымен газға қосылады. Одан бөлек 7 елді мекеннің жобалық-сметалық құжаттамасы әзірленіп жатыр. Алдағы уақытта газдандыру жұмыстары жүргізілсе, 35 елді мекен газдандырылады.

Бөлісу