Австралияның ең ірі мұнай зауытында өрт тұтанды

Австралияның ең ірі мұнай зауытында өрт тұтанды. Бұл онсыз да әлемдегі энергетикалық дағдарысты сезініп отырған елдің жағдайын ушықтырды. Өрт құбыр немесе жабынының істен шығуынан болған. Тергеу жүріп жатыр. Ел билігі ешқандай қауіп төніп тұрған жоқ, дегенмен сарапшылардың пікірі басқа. Олардың айтуынша, өрт күрделі жағдайды қиындатуы мүмкін. Тілсіз жау шарпыған зауыт елдің екінші ірі штаты Викторияны отынмен жартылай қамтамасыз етеді. Оның үстіне Австралия мұнайдың 80 пайызын импорттайды. Қазірдің өзінде елде дизель бағасы екі есе өсіп, жанармай станцияларында ұзын-сонар кезек түзілген.