Ресейге кіру тәртібі өзгереді

1 шілдеден бастап Ресейге баратын шетелдіктер, оның ішінде қазақстандықтар да «Госуслуги RuID» мобильді қосымшасын жүктеуі тиіс. Онда шекарадан өтерден 72 сағат бұрын тіркеліп, электрондық өтініш толтырылады. Сол арқылы әр азаматқа QR-код берілмек. Ол 90 күн бойы жарамды. Алдын ала тіркелмегендер Ресейде медициналық көмектен қағылады, сим карта сатып ала алмайды, банктерде есепшот аша алмайды. Бұл өзгерістердің 6 жасқа дейінгі балаларға, Ресейде аккредиттелген дипломатиялық өкілдіктер мен халықаралық ұйымдардың қызметкерлеріне және олардың отбасы мүшелеріне қатысы жоқ. Жаңа ережелер барлық өткізу пунктінде қолданылады.