Астанада 10 қабатты тұрғын үйден өрт шықты

Кеше Астанада тағы көпқабатты тұрғын үйдің бірінде өрт шықты. Тілсіз жаудан 6 адам құтқарылды. Оның 3-і бала. Сондай-ақ тұрғындар эвакуацияланған. Алдын ала мәлімет бойынша, электр қалқаны шахтасындағы өрт бірінші қабаттан оныншы қабатқа дейін көтерілген. Қазір оқиғаның мән-жайы анықталып жатыр. Айта өтейік, осыдан бірнеше күн бұрын Түркістан көшесіндегі тұрғын үйдегі пәтер өртеніп, 3 баланың өмірі қиылды. Анасы әлі ауыр хәлде ауруханада жатыр.