Фермерлер топырақтағы көміртекті сақтау квоталарын сату арқылы табыс таба алады

Бұдан былай жер игеріп отырған шаруалар халықаралық инвесторлардың көмегімен табыс таба алады. Курортты Бурабайда жаһандық көміртегі нарығына шығу мәселелері талқыланған экологиялық форум өтіп жатыр. Жиыннан өңірдегі әріптесім Бибінұр Әмірханқызы байланысқа шықты. Бибінұр, форумда тағы қандай мәселелер талқыланды?

Қайырлы күн, Қонысбек. Мұнда климаттық бастамаларды монетизациялау мүмкіндіктері талқылануда. Форумның астықты өңірде өтуі де тегін емес. Себебі аграрлы аймақ климаттық жобаларды іске қосу үшін өте қолайлы. Яғни бүгінгі таңда жаһандық қаржы нарықтары фермерлерге көміртекті сақтауға ықпал ететін технологияларды қолданғаны үшін қаржы бөлуге дайын. Ол үшін шаруалар жаңа технологияларды дұрыс қолданып, топыраққа ұқыпты қарауы тиіс дейді мамандар. Сөйтіп қосымша пассив табыс таба алады. Қазір менің жанымда «Ecojer» қауымдастығы Кеңесінің төрағасы Ләззат Рамазанова тұр. Ләззат ханым, халықаралық көміртегі бірлігінің сауда жүйесіне ену үшін шаруаларға не қажет? Мемлекеттен қолдау бола ма?

Бибінұр Әмірханқызы, тілші:

Рақмет. Форумда фермердің жердегі жинақталған көміртекті қалай өлшеп, оны ресми тауарға қалай айналдыруға болатыны талқыланып, түсіндірілді. Жаңа кадрларды даярлау мәселесі де сөз болды.