Ислам елдерінде Айт мерекесі басталды

Бүгін Сауд Арабиясының Мекке қаласының Үлкен Мешітіне сан мың мұсылман жиналып, Айт намазын оқыды.

Осы корольдікпен бірге қасиетті мерекені Біріккен Араб Әмірліктері, Бахрейн, Қатар және Кувейт елдері де бүгін тойлауға кірісті. Ал Малайзия, Бруней, Индонезия сияқты мемлекеттерде «Ид-әл-Фитр» мейрамы ертең наурыздың 21-де басталады. Айттың әртүрлі уақытта басталуы айды бақылау кезінде Рамазан айының аяқталу сәтінің түрлі елдерде біркелкі болмауымен тікелей байланысты болып отыр.