Мереке күндері ішкі рейстер көбейеді

Наурыз айындағы мерекелік күндер қарсаңында Қазақстанның әуе компаниялары ішкі рейстер санын көбейтіп жатыр. Мереке күндері ұшақтар қосымша 160 рейс орындайды. Рейстердің көбі Алматы мен Астана бағытында ашылады. Сондай-ақ Ақтау, Ақтөбе, Шымкент, Түркістан, Қарағанды, Қостанай, Семей, Ақтау, Атырау, Өскемен және Орал қалаларына қосымша рейстер жоспарланған. Жолаушыларға әуе компанияларының ресми сайттарынан қосымша рейстер туралы ақпаратты алдын ала тексеріп, билеттерді ертерек рәсімдеу ұсынылады.