Израиль Ливанға жойқын соққы берді

Израиль әскері Ливандағы «Хезболла» тобына қарсы шектеулі құрлық операциясын бастады. Мұның алдында әскери-теңіз күштері Бейруттегі нысандарға жойқын соққы берген. Снарядтардың бірі тұрғын үйге түсті. Одан зардап шеккендердің нақты саны әзірге жарияланған жоқ. Батыс елдері Израильді сынға алып, құрлық операциясынан бас тартуға шақырды. Дипломатиялық келіссөз жүргізу маңызды екенін алға тартты. Олар шабуылдан Ливанда гуманитарлық жағдай ушығуы мүмкін деп қауіптенеді. Қақтығыс басталғалы бұл елде Израильдің соққысынан 800-ден аса адам қаза тауып, 800 мыңнан астам тұрғын үйлерін тастап кеткен.