Ата Заңның маңызын айшықтайтын мурал салынды

Талдықорғанда көпқабатты тұрғын үйдің қабырғасына «Ата заңым – айбыным» муралы салынды.

Қала келбетіне көрік берген туынды Конституцияның маңызын айшықтай түскен. Патриоттық бейнені кәсіби суретшілер үш күнде салып шықты. Онда бірлік, әділдік, жауапкершілік және болашаққа деген сенім идеялары бейнеленген. Туынды қоғамдағы өзара құрмет пен ынтымақтастық құндылықтарын дәріптейді. 

Ақерке Қызайбай, идея авторы:

Суретте бейнеленгендей ата мен баланың бейнесі ұрпақтардың бір-біріне деген сабақтастығын және де кіші буынның аға буыннан көп екенін білдіреді. Яғни біздің ата-бабаларымыз арқылы жас ұрпақ, біздер жастар Ата заң болсын немесе тарихи оқиғалар болсын, тәлім-тәрбие болсын, аға буыннан кіші буынға үлес ретінде үйрену үстінде.