Референдум: Еxit poll нәтижесі

Еуразиялық интеграция институты жүргізген сауалнама бойынша Exit poll нәтижесі: «Иә, қабылдаймын» деп дауыс бергендер – 86,7%. Еуразиялық интеграция институтына тапсырыс берген «24.kz» арнасының хабарлауынша, Еуразиялық интеграция институты Қазақстанның 17 облысында, Астана, Алматы, Шымкент қалаларында Exit poll – референдум учаскілерінен шыға берісте азаматтарға сауалнама жүргізді. Сауалнама 200 референдум учаскісін қамтыды, оның ішінде 129 – қалаларда, 71 – ауылдық жерлерде орналасқан. Сауалнамаға барлығы 30 мың респондент қатысты. Еxit poll нәтижелеріне сәйкес, респонденттердің 86,7%-ы «Иә, қабылдаймын» деп жауап берді. Жалпы 75,3% адам қатысты.