Алматы облысында коалиция мүшелері жастармен «Таза Қазақстан – таза болашақ» бастамасын талқылады

Алматы облысында қалалық және облыстық коалиция мүшелері жастармен кездесіп, «Таза Қазақстан - таза болашақ» тақырыбында еркін форматтағы жиын өткізді. Кездесу барысында қоршаған ортаны қорғау, тазалық мәдениетін қалыптастыру және экологиялық жауапкершілікті арттыру мәселелері талқыланды. Жиынға қатысқан сарапшылар жастарға мемлекет тарапынан жасалып жатқан мүмкіндіктер туралы айтып, өз тәжірибелерімен бөлісті. Соңғы үш жылда облыста «Таза Қазақстан» бағдарламасы аясында түрлі экологиялық шаралар ұйымдастырылған. Мамандардың айтуынша, бұл жастардың табиғатты қорғауға деген жауапкершілігін арттыруға бағытталған.

Мақсат Кенешев, облыстық жастар ресурстық орталығының директоры:

70 мыңға жуық жастың қатысуымен экологиялық акциялар, түрлі шаралар ұйымдастырылған болатын. Шаралардың аясында жастарға тәлім-тәрбие беру, оларды табиғатымызды қорғауға, облыс көлеміндегі құқықтық мәдениетті насихаттауға бағытталған түрлі жұмыстар жүргізіліп жатыр.