LRT жолақысы 200 теңге болуы мүмкін

Елордадағы LRT жолақысы шамамен 200 теңге болуы мүмкін. Сондай-ақ жолаушылардың белгілі бір санаты үшін арнайы жеңілдіктер қарастырылған. Ол үшін атаулы электронды көлік картасын қолдану қажет. Ал 7 жастан 15 жасқа дейiнгi балаларға билет құны - 100 теңге. Қазіргі күні жолақы мөлшеріне қатысты ұсыныс-пікірлер «Ашық үкімет порталында» талқыланып жатыр. Жаңа көлік жүйесі іске қосылғаннан кейін оның тарифтері мен пайдалану шарттары ресми түрде жарияланады.