Егістіктегі судың әр тамшысы бақылауда болады

Егістіктегі судың әр тамшысы бақылауда болады. Осыған орай су тұтыну көлемін ерте болжайтын жаңа жүйе әзірленіп жатыр. Ол арқылы еліміздің оңтүстігіндегі суару арналары мен инфрақұрылымына қатысты бірыңғай деректер базасы жасалады. Сондай-ақ жаңа жүйе суармалы жерлердің нақты шекарасын анықтап, егіс алқаптарын ғарыштық бақылау арқылы тексереді. Ең бастысы-су саласындағы қызметтер кезең-кезеңмен цифрлық форматқа көшеді. Яғни, енді су алуға өтініш беру, келісімшарт жасау және су тұтынуды есепке алу онлайн жүргізіледі. Ал ғарыштық мониторинг суды заңсыз пайдалану немесе рұқсатсыз суару фактілерін анықтауға мүмкіндік береді. Мамандардың айтуынша, бұл жүйе су тапшылығының алдын алып, ауыл шаруашылығында суды тиімді пайдалануға жол ашады.