Жетісу облысында жаңа мәдениет үйі ел игілігіне берілді

Жетісу облысының Матай ауылында спорт залымен біріктірілген жаңа мәдениет үйі ашылды. 4 мыңнан астам тұрғыны бар елді мекенде бұрын-соңды мұндай нысан болмаған. Енді міне, аймақ халқы 3 түрлі үйірмеге қатысып, уақытын тиімді өткізе алады. Мәдениет үйі басшылығының айтуынша, алдағы уақытта тағы үйірмелер ашылады. Ол үшін барлық жағдай жасалған. Мәселен, мұнда 180 орындық көрермен сондай-ақ акт залы бар. Одан бөлек волейбол, баскетбол, мини-футбол және үстел теннисіне арналған спорт залы мен тренажер залы жұмыс істейді. Тұрғындардың пікірінше жаңа нысан ауыл тұрғындарының мәдени демалып, спортпен айналысуына мүмкіндік береді.

Қолғанат Сәмбетов, ауылдық ақсақалдар алқасының төрағасы:

Ел, Азия, Әлем біріншіліктерінен жеңімпаз болып, жүлдегер болып келіп жатқан жастардың қатарын асырады деп ойлаймын. Жалпы бұқаралық спортты дамытып, біздің жастардың салауатты өмір салтын нығайтуға үлкен үлесін қосады.