Ақмолалық ұстаздар қауымы Конституция жобасын талқылады

Ақмолалық ұстаздар қауымы жаңа Конституция жобасын талқылады. Облыс әкімі Марат Ахметжанов өңірдің педагогтарымен және студенттерімен кездесу өткізіп, Жаңа Ата заңның маңызды тұстарына тоқталды. Әсіресе, білім жүйесін жетілдіру, педагог мәртебесін арттыру және балалардың сапалы білім алу құқығын қамту мәселелеріне ерекше назар аударылды. Айта кетейік, өңірдегі 1200-ден астам білім ұйымдарында 23 мыңнан астам педагог еңбек етеді.

Нұрыс Ерданұлы, Красный Яр көпсалалы колледжінің оқытушысы:

Ұстаз ретінде біз жаңа Конституция жобасында қазіргі таңда ғылым және инновациясы саласын өте қуанышпен қабылдадық. Өйткені қазіргі таңда болашақ мамандарды даярлауда біз өзіміздің білім саласында жасанды интеллект, сандық технологияны кеңінен қолданамыз және алдағы уақытта осы ғылыми жобаларға, жастарға Үкімет тарапынан үлкен қолдау көрсетілетінін айтып кетті.