ХЭА резервтен ондаған млн баррель мұнай шығаруды ұсынды

Халықаралық энергия агенттігі резервтерден өз тарихындағы ең көлемді мұнай қорын шығаруды ұсынып отыр. Американың «Уолл стрит джорнал» газетінің хабарлауынша, бұл бастаманың мақсаты – Таяу Шығыстағы соғысқа байланысты шарықтап кеткен энергетикалық шикізат бағасын төмендету.

Айта кетсек, 2022 жылы Украинада қарулы қақтығыс басталғанда бұл агенттік өзіне мүше елдерден нарыққа 182 млн бөшке мұнай шығарғаны белгілі. Аталған басылымның болжамынша, осы жолғы көлем бұдан да асып кетуі мүмкін.

Дүйсенбі күні Brent маркалы шикізаттың құны 120 долларға жуықтады. Алайда АҚШ президентінің Ирандағы шайқастың жақында аяқталатыны туралы мәлімдемесінен кейін мұнай бағасы 90 долларға дейін төмендегені белгілі.