Пәкістан әуе күштері Кабулге соққы берді

Бүгін таңертең Пәкістан Ауғанстан астанасы Кабул мен Қандағар қалаларына әуеден соққы беріп, «ашық соғыс» басталғанын хабарлады.

Көп кешікпей ауған тәліптері пәкістандық жауынгерлерді қырғынға ұшыратқанын жариялады. «Франс-пресс» агенттігінің мәліметінше, таңертең екі ел шекарасының негізгі өткелінде қақтығыс жалғасып жатты.

Айта кетсек, Пәкістан кейінгі кездері өз жерінде жасалған терактілер үшін Ауғанстанды айыптап келеді. Кабул болса, тағылған кінәні қайта-қайта жоққа шығарып отыр.