Сенат депутаттары жастармен кездесті

Алматыда Сенат депутаттары студенттермен кездесті. Жиында жаңа Ата заңдағы 50-бапқа енгізілген бастамалар жан-жақты талқыланды. Кездесуде жастардың құқықтарын қорғау, академиялық еркіндікті кеңейту, олардың қолайлы ортада білім алуын қамтамасыз ету мәселелері назарға алынды. Студенттердің әлеуметтік жағдайын жақсарту, жатақханамен қамту, шәкіртақы көлемін кезең-кезеңімен арттыру және олардың ғылыми-зерттеу жұмыстарына белсенді қатысуына жағдай жасау тетіктері талқыланды. Қатысушылар бұл өзгерістер уақыт талабынан және қоғам сұранысынан туындағанын атап өтті.

Сұлтанбек Мәкеҗанов, ҚР Парламенті Сенатының депутаты:

50-бапқа байланысты өзінің конституциялық құқығын пайдалануға болады. Беделді жастар болашақта Құрылтайға соның мүшесі болуға мүмкіндігі бар. Білім алу саласына байланысты сұрақтар бар. Білімнің, ғылымның, экономиканың, техниканың дамыған заманында осы Мемлекет басшысы айтып отырған цифрландыруды дамытып, елдеріміз өркениетті елдердің қатарында болады деп ойлаймын.